جبر الخواطر من أعظم العبادات 🥰

وعليكم السلام ورحمة الله وبركاته

جبر الخواطر دا أعظم حاجة ممكن الأنسان يعملها

إنك تخلي حد يبات وهو مبسوط وسعيد والضحكة مالية وشه،

دعواته مش بس بيتحرك بيها لسانه لأ دا بيدعيلك بقلبه،

إذا سمحتم يا إخواني ما تكسروش قلب حد ❤️‍🩹

وحافظوا على مشاعر بعض، الأيام الصعبة بيهونها الناس السهلة

الناس اللينة كلمات بسيطة بتفرق في حياتنا كتير ، مثل

شكرا ، ربنا يكرمك، حقك على راسي، ما تزعلش، عمري ما أقصد أضايقك،

مهانش عليا اسيبك كدا، كلمات بسيطة جدا في منطوقها،

عظيمة جدا في تأثيرها، والله ما فيه أعظم من إنك تمسح دمعة حد بكلمة حلوة،

وترسم على وشه أبتسامه بكلمة تطيب بيها خاطره،

حبُ وتحابوا بعضكم يا جماعة ولو الظروف قاسية،

خلينا أحنا حنينين، هتهون والله، وزع الفرحه هترجعلك.❤️"

وليد بن ممدوح الأثري عامله الله بلطفه الخفي

أللهم آمين يارب